Kalittokai 26

((Originally extracted from master file ^KALI.OCP))

((Last updated on 2010 October 13th))

Metrical description (AR, pp. 148): itu taraviṉkaṇ aiñcīraṭi varutaliṟ koccakamāyk kaliveṇpāṭṭiṉ vēṟāyiṟṟu.

A

• {KALI 26-1} oru kuḻai oruvaṉ pōl iṇar cērnta marāam um
• {KALI 26-2} paruti am celvaṉ pōl naṉai ūḻtta cerunti um
• {KALI 26-3} mīṉ ēṟṟu koṭiyōṉ pōl miñiṟu ārkkum kāñci um
• {KALI 26-4} ēṉōṉ pōl niṟam kiḷarpu kañaliya ñāḻal um
• {KALI 26-5} āṉ ēṟṟu koṭiyōṉ pōl etiriya ilavam um āṅku
• {KALI 26-6} tītu tīr ciṟappiṉ aivarkaḷ nilai pōla
• {KALI 26-7} pōtu aviḻ marattoṭu poru karai kaviṉ peṟa
• {KALI 26-8} nōtaka vantaṉṟu āl iḷavēṉil mētaka

B-D

• {KALI 26-9} pal vari iṉa vaṇṭu putitu uṇṇum paruvattu
• {KALI 26-10} tol kaviṉ tolainta eṉ taṭa mel tōḷ uḷḷuvār
• {KALI 26-11} olkupu niḻal cērntārkku ulaiyātu kāttu ōmpi
• {KALI 26-12} vel pukaḻ ulaku ētta viruntu nāṭṭu uṟaipavar

• {KALI 26-13} ticai ticai tēṉ ārkkum tirumarutamuṉtuṟai
• {KALI 26-14} vacai tīrnta eṉ nalam vāṭuvatu aruḷuvār
• {KALI 26-15} nacai koṇṭu tam nīḻal cērntārai tāṅki tam
• {KALI 26-16} icai parantu ulaku ētta ētil nāṭṭu uṟaipavar

• {KALI 26-17} aṟal cāay poḻutōṭu em aṇi nutal vēṟu āki
• {KALI 26-18} tiṟal cāṉṟa peru vaṉappu iḻappatu ai aruḷuvār
• {KALI 26-19} ūṟu añci niḻal cērntārkku ulaiyātu kāttu ōmpi
• {KALI 26-20} āṟu iṉṟi poruḷ veḵki akaṉṟa nāṭṭu uṟaipavar

E

• {KALI 26-21} eṉa nī

F

• {KALI 26-22} terumaral vāḻi tōḻi nam kātalar
• {KALI 26-23} poru muraṇ yāṉaiyar pōr malaintu eḻuntavar
• {KALI 26-24} ceru mēmpaṭṭa veṉṟiyar
• {KALI 26-25} varum eṉa vantaṉṟu avar vāymoḻi tūtu ē